Tag Archives: atrodumi

vārdnīcas

nerunāju lietuviski, bet pa laikam patīk pārsteigt draugus, atbildot viņiem ar kādu teikumu lietuviski, ko spēju uzrakstīt, precizējot dažu vārdu nozīmes.

patīkami, ka ir dažas vārdnīcas, pēc kurām nav jāiet uz grāmatplauktu.

lai ko par to teiktu visādi ērmi, bet cilvēks ir slinks un visilgāk dzīvos ctrl+F un copy-paste lietas, nevis iesējums cietos vākos.

itei dīna Latgolys viesturē

vysu laiku taisiejūs i nikai navarieju sasataisēt.

ir taids breineigs saroksts par latgalīšu svareigajim datumim i dīnom. ar vysom dzimšonys i mieršonys dīnom. vacs i nazynu, voi kaids jū papyldynoj koč ar mieršonys dīnom. 8)

tok koč kū nu juo var izzynuot. kod kurs mirs i kod kurs pīdzims. koč tik daudz.

byutu interesnai saleidzynuot, cik nu itūs datu ir Salcevičys gruomotuos. tys ir, mani fascinej cylvāku spieja sataisēt enciklopedejis i izziņu literaturu i sarokstus.

es par sovu dzeivi nazynu tik daudz kai cyti zyna par svešom dzeivem. zyna – ite dūmuots, jim ir interese zynuot.

Birdy (1984)

Režisors Alans Parkers, spielej Nikolass Keidžs jauneibā.

Dūmuoju, pasavieršu eisu šaļteņu, kas tys ir, i īšu gulātu. Nu reita juosaceļ. Nūsavieru da gola. Pajēme.

Kina ir par div draugim, patīseibā cīši atškireigim – vīns ir normals džeks, kam interesej i buobys, i dauzeišonuos borā, a ūtrys ir vīnpats, cytaidais, cylvāks “ar putynim” golvā. Ruodīs, kas jim var byut kūpeigs. Tok jī sasadraudzej i dasaver vīns ūtra.
Obeji teik Vjetnamys karā. Vīns teik sakrūpļuots fiziski, jam iz sejis ir apsiejs, metals kaulu vītā, a ūtram aizbrauc jumts.

Te ari aizasuoc stuosts. Par kara nažieleibu pret vīnkuoršuo, mozuo cylvāka dzeivi.
Varbyut kam nabejs tuo gļuka Gruzejā, tys tai nasaruodeitu. Niu nazkai da mīļu.
Kars puorbrauc i samaļ, a vysa dzeive lupotuos. Kai vīns nu jūs soka – kab koč mes byutu varūni. Byutu cyts kars, jī saītu dzimtinis aizstuovi, varūni, a niu vyss par veļti, tik samaituotys dzeivis.
Vīns draugs rauga dasarunuot da ūtra, kas truli verās nakurīnē i īsadūmoj sevi par putynu – kas var aizliduot prūm nu vysa, kam nav rūbežu. Tuo vajag jim obejim.

Kū tī daudz. Kina ir kas vaira, nakai niu te varu pīraksteit.
Par nazkū taidu vuoreigu i smolku, kas satryukst – kai putineņa dzeiveiba, īsatrīcūt styklā i puorlaužūt koklu. Vēļ sylts i meiksts, dreiž sastiņgs. Nu žāluma navari, a nikas nav leidzams.