vokora dūmys

vīnkuorši šudiņ ir taida dīna. it kai nikuo nabeja, bet varbyut žāl, ka nikuo nabeja. nu reita izmozguoju ustobu i īleidu dušā, īlyku mozguotīs drēbis, izvuorieju zupu. izaruod, puors stuņžu laikā izpiļdieju dīnys normu. paiežu i aizmygu. niu pasamūdu. mīga ni acī. a kū padareisi – nakts.
tai i siežu i dūmoju. atīt taida gripa i nūlīk pi vītys, a kū tu jai padareisi – upe plyust i plyust, a, ka laiceigi nasaļausi plyudumam, agri voi vieli īaireisi kaidā krostā. a reizem iz upis vyds ir sakrytuši kūki. dūmoj, kai apbraukt. varbyut izadūs. ak jau izadūs. a reizem nūgrimsti upē i verīs, kai apleik leigojās iudiņa zuoļu steigys i aizmaun zivs, iudinī plateidamys muti.

vēļ Klaus&Kinski muzyka ite.

pa dīnu vēļ raudzieju nazkū vērtīs datorā. otkon kinā tyku da tuos pošys vītys, otkon mīgs apjēme. tik viņ spieju kai nūlikt datoru iz zemis – treicūšom rūkom, partū ka 5 kilogrami, izaruod, ir baigi daudz. nazkur sagruobuoju spylvynu i aizmygu. mīgā redzieju, kai tymā mežā, kur apmāram decembrī redzieju īejam aļņus, nazkas kust. tod nu tīnis izguoja aļni. nā, tūmār zyrgi, kam iz mugurys nazkas beja. izaruod, tei beja karavana ar kamīlim. nā, tūmār zyrgim – jī guoja leli i tymsi riņdeņā nu meža iz sātu, kotram iz mugurys žogoru čupa i čyguons. aizskrieju aizslēgt durovys, izsliedžu sātā guni – ka mane naīraudzēs, jī paīs garom. vyss kai nazkod bierneibā, ari sorkonuo grīstu lampa ar vysu kupolu. i jī paguoja garom, izguoja cauri sātai, pat nasyta pi durovu i leli i tymsi pagaisa cytā mežā – riņdeņā, riņdeņā viņ.

taida, vot, nazkaida dīna saguoja. nazkaida nikaida, a koč kaida.

par Latgolys Radeju. otkon i otkon

ite gabaleņš par Latgolys Radeju. īraksteits 2009. goda septembra suokuos, kod ar atvīgluojumu izzynuojom, ka piec ilgys jimšonuos ap krīvim radeju nūpierkuse Katuoļu bazneica.

Radeja kai jauna meita by saprge

ar Vitu rakstējem Sibira braucīņa audioblogu, tik ka nikai nav saguojs sakuortuot i apgraizeit failus. dzeive ir par eisu, kab bez puotogys padareitu vysu, kuo kurā šaļtī īsagryb i aizavajag.

Latgolys Radeja i šudiņ dzeiva – tīšraide ite.

a cyrks jau nasabeidz. šudiņ e-postā breinumu breinumi doruos. spama kolns i cepšonuos.
vakar vokorā īraudzieju ziņu, ka bīdreibys “LR” volda sēde bejuse vakar, 16. janvarī, a 14. janvarī izsyuteits e-posts, ka taida byus. kaida jāga taidam e-postam? ka vaļde beidzūt nūlāmuse struoduot, breineigi. tok deļkuo spams pusūtru dīnu pyrms pasuokuma? kab ziņa byutu, a nivīns līks naatītu, partū ka laiceigi naīsaver zinis?

ka naskaita Jaunū godu, Zīmyssvātkus, Leigū i Vacagoda vokoru, 2011. godā ir tikai napylni 50 nedeļgolu, i sovu laiku drusku mādzu ari sadaleit storp dorbu, pīnuokumim i atpyutu.

kur palykuse latgaliskys radejis gluobšonai dūmuotuo nauda, kū bīdreibai “LR” sazīduoja sabīdreiba? kod tod jei beidzūt tiks izlītuota koč voi kaidam latgaliskam raidiejumam?
nui, es ari asu ituos bīdreibys bīdrs, partū ka ļuovūs pīsarunuot i tai ari naasu pīrakstiejuse īsnīguma par izastuošonu cereibā, ka vydspusē varu ītekmēt vaira nakai uorā.
nui, paguojušā laikam tok volda (voi ari bīdru?) saīšonā, kas nūtyka Jākubpilī, kod vēļ beja paguojušuo goda snīgs, pasasūlieju kūpā ar Hareju dūmuot par īspieju taiseit konkursu latgaliska raidiejuma tapšonai – kam gon vēļ beja tik daudz nūsacejumu pa prīšku i diplomatiskūs runu, kuruos na jau maņ pīsadaleit. nikas nanūtyka i nanūtyka, partū ka “tagad nav eistais laiks īt i runuot”, i tai prioritašu sarokstā tū nūlyku nazkur zamyškā – ka vajadzēs, paceļšu, tok pyrma gluobšu cytu, kas ir tīši atkareigs nu mane.

niu situaceja kuldys bīdreibai rakstureiga – bīdreiba ir, bīdreibys nav.
biedeigi, ka tai. tai lobys lītys saryugst, kam nav dareituoju.

voi varbyut maņ pošai vārts atguoduot – naleiņ vysom pakalem par spryudzini, partū ka na vysom pakalem tuo spryudziņa vajag. i na vysim spryudzinim juoatsarūn pakalē.

a tikom īriednim skaista atruna – kuo bādojit, ka jiusim, latgalīšim, nikuo nav. pagrīz pūgu, i tī jei skaņ – pa šaļtei puotori, pa šaļtei popsa i šlāgeri.

traks!

atradu šo piektdien iesākto un tā arī nepabeigto ierakstu. tā gadās. reizēm viss notiek vienlaicīgi. reizēm neko nevar laicīgi. tādas piektdienas vairs nekad nebūs, jo ir pavisam cita diena un būs pavisam cita piektdiena, tāpēc tomēr publicēju. tikai izmetu ārā to, kas tā arī nebija pabeigts.

šai nedēļas nogalē aizbraucu prom no Latvijas, reizēm vajag kaut ko citu. ja ne citādi, vismaz pacelties, atrauties un aizlidot. paskatīties no augšas uz Lielupi, Elbu un Baltijas jūru. uz laukiem, mežiem un rapsi, labību, smiltīm un ezeriem, purviem un mājām, ceļiem, mākoņiem un bezgalību tur augšā.

esmu prom no visa, bet tomēr tepat. gandrīz visu sestdienu zīmēju – jaunajai grupas “Bez PVN” mājaslapai sen apsolītās bildītes. lai gan ko nu es tur daudz varu sazīmēt, tāpat vien niekojos. bet kaut ko jau knibinājos. beidzot. jo laikam beidzot ir nozagts laiks – dzīvot. tā normāli. darīt to, kas dara laimīgu. kā kaut kad bērnībā, kad viss patika un viss bija jauns – braukt ar riteni, zīmēt kaķi vai skatīties uz uguni plītī.

pati nesaprotu, kāda velna pēc nerakstu latgaliski. laikam par daudz valodu apkārt. bet šitā ir mana mīļākā dziesma: Digitala saule lēce svešu ļaužu videņā, virtualim storim peita, svešim vuordim izraksteita digitala saule lēce. Atver acs i pasaverīs, digitala mygla reitā. Voi, Dīveni, tu redzieji – taida vysa pasauleite! Digitala maņ gūteņa, digitalu pīnu deve, digitala maņ gūteņa. Daīs itū pīnu dzert maņ – bodā digitali nūspruogt, bodā digitali nūspruogt. (bezpvn.lv)

[youtube=http://www.youtube.com/watch?v=nQAdsxNxts8]

tomēr šodien, zīmējot visādus niekus, kaut kā ieķērās smadzenēs pavisam kas cits: Lai beja, kai beja – vaira nabyus tai nikod! Kaids mūdynuos mani i leidza sauks! Lai ir tai kai reit, nu zemis dabasi kod kreit! Maņ iz lyupom jau vuordi itī nasasmaltī veist – lai ir kai reit! Dabasi kod kreit! (bezpvn.lv)

tāpēc tālāk piektdien ātri pierakstītais. īpaši necenšoties pārrakstīt vai labot pagātni – jau norietējušas saules rietēšanu.


iedama šorīt pa ielu un skatīdamās apkārt, domāju – kas ir tās lietas, par ko es nekad neuzrakstu. un kas ir tās, kuru dēļ es tomēr kaut ko uzrakstu.

šorīt atkal nokavēju tramvaju. nolēmu neskriet, jo nekas tāds jau nedeg. gāju lēnītēm kājām un skatījos. ērmu pilna pasaule. tomēr pasaulei nebūtu ne puses no tās labuma, ja nebūtu ērmu, par ko brīnīties.

pavasaris smaida. pie “Pozitīvo domu mājas” Āgenskalnā saplaucis koks ar salātzaļām lapām. atkal neviena cilvēka, bet vienalga tā pozitīvi. ir tik interesanti vērot nejaušās sakritības – cilvēki, kas nīgri un nelaimīgi slāj garām tai mājai. vai nīkst nogarlaikojušies un nikni. šorīt tur bija patukla vecene ar biešu krāsas matiem un strīpainām biksēm, viņas sejā bija visas pasaules sāpes.

[youtube=http://www.youtube.com/watch?v=fzWV9x6ZlsQ]

dzīve tomēr ir laimes loterija. nav jau teikts, ka izvilksi miljards smaidus, bet varbūt ir vērts pasmaidīt par niekiem. jo kas tad tāds ir noticis? kas tāds, ko vairs nekad nevarētu mainīt, no kā nevarētu izlocīties, ar ko nevarētu sadzīvot?

nospļaujies un sāc no nulles. ja izmet pa durvīm, lien pa logu. sēdi uz palodzes un kūļā kājas. vai skaties, kā pieneņu pūku pļavā noriet saule. viņa nenorietēs nekad, jo jau rīt pieneņu pūkas būs aizlidojušas vējā vai samirkušas. bet taisni tā saule rietēja pirms mums un tā viņa rietēs pēc mums.

reizēm domāju, cik daudz spēka un spītības ir tomēr iekšā. saspiesties, sarauties, paslēpties, sanīkt un tad atkal kā atsperei – visam par spīti. iztaisnot muguru un iet. jo vienmēr var atrast, kāpēc ir slikti. labo atrast ir cienīt sevi un mīlēt citus.

bet šī diena ir lieliska. visas pasaules ērmi ir pamodušies. pilnmēness ir sasodīti labs laiks, visi kukainīši lido. mostas visi dievi un trakie. skaties un brīnies.

vakar pa ielu bungodami garām gāja krišnaīti, es stāvēju pie loga tobrīd un vēroju pīles un policistus, kas atkal ķerstīja gājējus. sieviete, dejodama pa ietvi bāli oranžā paltrakā,  ievēroja mani, smaidīja līdz ausīm, māja, gavilēja. riktīgs ku-kū. atmāju pretī, jo vai tad man žēl.pa tādu gabalu pat ar lepru neapilptu, kur nu vēl rozā paltrakiem.

likās, viņa tūlīt pacelsies gaisā un aprīs mani. bet nē. tomēr labi stāvēt pie palodzes 2. stāvā. toties pakaļ viņiem dejodams gāja kāds vīrietis – gados jauns, bet acīm redzami traks. krišnaīti bija parāvuši viņa dvēseles stīgas, viņš bija iederīgs, viņš dejoja tāpat kā viņi, bet viņi no sajūsmas nezināja, ko darīt. svētīja viņu, lēja uz galvas kaut kādu šķidrumu. un viņš priecīgs pakaļ, pacēlis rokas un šūpodamies ritmā.

bet šis rīts bija jocīgs. no mājas, kur ir smukā kļava, kas rudeņos ir koši dzeltena, bet pavasaros plaukst sarkana, atkal iznāca Mauglis – tikai šortos un melnās botās tērpts brūns muskuļu kalns ar gariem lokainiem matiem. viņš tomēr nav manā gaumē, kaut bez šaubām ir patīkami paskatīties – ko nu tur liegties, visumā vīrieši mēdz būt tīri skatāma lieta, ja vien nav pārāk līki un izkāmējuši bada kambari. turklāt Mauglis jau 3. reizi šajā pavasarī iziet pa mājas durvīm tieši tad, kad tur eju es – tā gadās.

pašā Āgenskalna centrā pie Maximas kurināja uguni metāla traukā uz kātiņiem, līkas un zarainas pagales, būs ogles. ceps šašliku gandrīz tramvaja pieturā. smaržoja labi – pēc dūmiem, malkas un kaut kā īsta. vecenes lamāja viena otru, vecākā no viņām atvēzējās ar brūnu dermantīna somu un krāva tai otrai, puķainā kleitā un zamša jakā ievīkstītai personai tai vecumā, kad blondīnes vairs nav blondas, bet sirmas arī vēl ne. tā lamāja veceni no panckām ārā, gan tā arī nesapratu iemeslu, laikam kaimiņu būšana. par kaut ko jau ir jārunā.

tas, kas man lika pasmaidīt. autobuss. es kavēju, es vilkos kā lēna muša, es pat necentos paspēt. tomēr viņš nebrauca prom. bija atlikuši padsmit metri, man bija žēl aplauzties un skriet – viņš noteikti aizvērtu durvis. nav nekā sāpīgāka kā saņemties panākt un palikt aiz durvīm. tad jau labāk uzreiz samierināties. bet autobuss pagaidīja. tā sen nebija bijis. es iekāpu, durvis aizvērās.

tai brīdī iedomājos – katram no tiem daudzajiem cilvēkiem būtu jābūt nikniem uz mani, jo nozagu vairāk nekā minūti viņu laika. tomēr iedomājos par visām tām reizēm, kad transports ir aizbraucis deguna galā un kad tā vien gribētos šoferim pavaicāt – vai tās 3 sekundes tiešām nozīmēja kaut ko būtisku.

[youtube=http://www.youtube.com/watch?v=a5x4Y5ICmLI]

tunelī skanēja mūzika. nekad, dzirdot šo melodiju, nespēšu nedomāt par 90. gadu sākumu. par šauriem meiteņu dibeniem krāsainos bruncīšos, kas grozījās TV ekrānā un liecināja – jauni laiki ir sākušies. nepaliks nekā no tā vecā, sāksies kaut kas jauns, bet neviens nezināja, kā tikt vaļā no vecā un ko īsti sākt.

it kā vienkārša diena. vienkārši piektdiena. bet kaut kā gāju pa netīru nesen uzceltu un ubagu pilnu tuneli tuneli, skanēja saksofons un es aizdomājos par dzīvi.

par visiem draugiem un paziņām, kuru vairs nav Latvijā un nebūs vairs nekad. par visiem tiem cilvēkiem, ko es vairs satikšu tikai skaipā, blogā, tviterī, feisbukā un varbūt vēl tikai pāris reizes mūžā – kad viņi atbrauks ciemos vai es pie kāda no viņiem aizbraukšu.

tik daudz cilvēku jau ir pazudis, ka bail satikt jaunus un pieķerties atkal jauniem. jo neizbēgami būs jāškiras. kur gan ir tās mūža draudzības, kur ir tie mūža draugi, ja cilvēki mainās tik bieži un digitāli aizpeld, lai digitāli satiktos kaut kādos e-pastos, teksta laukos, austiņās un mikrofonos.

kaut kas ir beidzies, bet nebeigsies nekad. atmiņas paliks vienmēr. par kopīgu bērnību un jaunību, kopīgiem piedzīvojumiem un pārdzīvojumiem.

un vēl iedomājos par visiem cilvēkiem, kas man ir uzticējušies un kam es esmu uzticējusies. nekad nekā taču nebūs, ja jau vairs nekā nav – kaut kādas taisnes kādu brīdi gāja paralēli, viss bija viens, viss bija savs. bet varbūt tas ir kā ar spoguļbumbām, kam sakrīt tikai 1 plāksnīte. tā plāksnīte jau sen ir aizgriezusies, bumbas griežas ap savu asi un gaida satikšanos bet cik lielai varbūtībai jābūt, lai spoguļbumbu plāksnītes atkal atspīdētu viena otrā.

lai cik žēl nebūtu, nekas no pagātnes nav atgriežams – tikai iesākams kaut kas cits, kaut kas jauns. ir tikai šis mirklis. bet nākotne ir mūsu šodienas lēmumu sekas. šobrīd ir vislabāk, ar visu pieredzi un visām cerībām, ar vilšanos un tomēr arī ar naivumu. skatīties uz sīkumiem, saprast sevi esam dzīvu. apelsīnu sula glāzē, jauns zīmulis, skan mūzika aiz loga. kokā klanīdamās ķērc vārna, taurē autobuss.

lai cik bēdīgi būtu un lai cik ilgi gribētos skumt par to, kas nenotiek, tomēr ir jāatvadās. arī no šīs piektdienas. no šiem cilvēkiem. no šīs dzīves te un tagad. jo katrs mirklis atkal ir brīnumu pilns, atkal ir bezgalīgi daudz iespēju – atkal satikties, atkal iemīlēties, atkal darīt savu, gāzt kalnus un vienkārši skatīties uz pieneņu, pīpeņu, āboliņa, kartupeļu un sazin kādu lauku, kur atkal riet saule. tā pati saule katru reizi citā laukā.

svied trillu, kā gribi – kritīs uz kājām. jo vienmēr var būt sliktāk, jo vienmēr var visu pamest un sākt no gala, izmaukties no ādas un aiziet. lai cik reizēm ir grūti, lai kā žēl. lai kā gribētos iekrampēties un nekad, nekad nelaist vaļā. tikai izelpojot iespējams ieelpot. lai kā gribētos aizturēt elpu un palikt bijušajā.

man nepieder nekas, jo bez nekā es esmu atnākusi un bez nekā aiziešu. tomēr viss, kas notiek, gadās un ko redzu, ir iemesls priekam. vērošanas labsajūta – satikt cilvēkus, ieraudzīt jaunas vietas un lietas. iet, darīt, būt. atkal satikt un uzticēties.

es naasu tanks ci Eiženejis krystobys

šudiņ ir mierstamuo dīna.
taidys dīnys pa laikam goduos, kod par sevi nadūmoj i kaidu laiku dzeivoj tanka režimā (cytu dīnu dorbā beju 12 stuņdis i vēļ nazkū sātā, cytu otkon vaira par 3-4 stuņdem mīga nasaguoja). tok nivīns cylvāks nav tanks (i cyta storpā varu atsazeit slapanā informacejā, ka ari es naasu tanks).
vysys beidzamuos puors dīnuos pīlaistuos klaidys atsaspielej i pataisa beigtu. mierstamdīna i cauri, navar a nikuo. nu gultys izkrytu ar krisšonu. :))

šudiņ suop vysi muskuli. vysi, izjemūt sirdi i mēli.
koč mēle jau nivīnam nasuop nikod (ari aprunojūt cytus i pasokūt ūtram suopeigus vuordus). vīneigi ka pats sev īkūssi mēlē, tok i tod tei ir voi nu trauma, voi apdūmeiba.
a sirds to suop tik divejūs gadīņūs – tīšā i puornastā nūzeimē: infarkts voi nalaimeiga mīlesteiba.
nu infarkta reizem nūmierst, seviški ka tys jau ūtrys voi trešs gadīņs. kam vīns infarkts bejs, tam var byut i ūtrys. saīt – kū vaira infarktu, tū leluoka īspieja nūmiert.
a nu nalaimeigys mīlesteibys namierst vys, ka jau taipat namierst voi sev nadalīk rūku. vīneigi ūtrā voi trešā gadīnī jau īsastuoj rutina. i pīredzi ari var dabuot tikai apsalaužūt.  saīt – kū vaira nalaimeigu mīlesteibu, tū mozuoka īspieja nūmiert. voi nu pīrūņ, voi īsavuici dzeivuot i sadzeivuot, suokt nu gola.

bet nu grāks šudiņ par smierti runuot. sauleite rypoj pa zemis viersu, pādejais snīgs kiust čoukstādams, putineni dzīdoj, kaijis bļaun kai trokys i pyrmī krokusi lein uorā nu zemis.

padūmuoju – deļkuo ceptīs par tū, kuo es navaru, partū ka eisti nagrybu. vysmoz na šudiņ, kod suop vysa mīsa tai, ka eistyn navar pat enter nūmīgt.
i izdūmuoju – lobuok dareišu tū, kuo es grybu. pagaidom gon tys ir nūslāpums.
ka saīs, tod tam byus lels sakars ar itū blogu. ka nasaīs, vysmoz byušu veiksmeigi puorlaiduse itū mierstamdīnu.

kod vyss ir brīsmeigi, ir juodora tys, kuo gribīs i kuo cytaiž nadareitu. juodaboj uorzemu sajiuta, kod vyss ruodīs svežnis i jauns, interesns. kai bierneibā.
partū ka iz uorzemem jau ļauds pa lelai daļai brauc deļtuo, kab atsagrīztu bierneibā – bez ryupem i bādom, dorbim, pīnuokumim i bez vuorda “vajag”.

ir vairuokys īspiejis. nūpierkt apeļsinus, lūbēt i ēst iz īlys. fri buļbys ēst ar pierstim parkā i siļdētīs sauleitē. nūpierkt kopeju i ībērt labi daudz kaneļa.
voi koč kū taidu, kas ir tikai taids nīks, a nūzeimoj kasdīnys svātkus.

brauču ar ritini pa centru. lānā gorā, na kometys uotrumā, pa ceļam labi ka sasavasalojūt ar draugim i paziņom.
beidzūt nūpierku zemi. i nūpierku korstu i lipeigu sieņu i paprikys picu, partū ka īsadūmuoju, cik seņ itai naasu pluovuojuse pa centru.

i vēļ šudiņ beja krystobys.
tai kai muna alpu vijūleite nav nūspruoguse 2 mienešu laikā, kas jai beja dūti da 27. marta, nu šudiņdīnys itei puče ir saimis lūceklis i jū sauc Eiženeja (Ženeite) – vuorda dīna 26. martā.
par gūdu tam jei tyka aplīta i nūlykta uorā sauleitē.

pi vysa šudiņ latgalīšu grupai “Dabasu Durovys” izguojuse jauna dzīsme 1+1.
es gon eisti nasaprotu pīdzīduojumu.
dikcejis deļ (klausiejūs 6 reizis: 1. taipat, 2. raugūt dzierdēt, a puorejuos 4, cikom izdūmuoju tekstu, laikam kod uz kas).
gramatikys deļ (taida prīvuorda uz latgaliski nav, ir tik iz).
jāgys deļ (jūprūjom maņ nav ni jausmys, kas tī dūmuots).

tok nu tys nav nikas jauns, ka latgalīšu muzykā teksta navar saprast.
dikceja nikaida, īroksts kai caur trubu, muzykanti poši izdūmoj nazkaidus tekstus, kas dapas ritma deļ. jāgu var dadūmuot pats, partū ka nu autora teksta gryuts saprast.
tok nav tolka pat ceptīs. partū ka sovs bārns ir sovs bārns. jū ļūbej pat tod, ka jis šļupst. ka tik runoj sovā volūdā i pat blienis dora piec saimis tradiceju.

ite poša dzīsme, ite tuoļuok juos teksts

taida sajiuta var byut tikai vīnreiz –
myusu školā šudiņ beidzēs kreits.
maņ ruodīs, školuotuojs pats kliudējēs šūreiz,
vīns plus vīns, kūpā beja treis.

ir reits, i šudiņ vairs naleis.
maņ ruodīs, pasaule nu sajiusmys treis.
niu zynu, kod uz kas paleidz –
vīnu, div, maņ ruodīs, pat treis

taida sajiuta var byut tikai šūreiz.
pavysam čudnys myusim izadevīs reits;
ar cytim kreitenim juogleznoj kai tūreiz,
kod vīns plus vīns kūpā ir treis.

ir reits, i šudiņ vairs naleis.
maņ ruodīs, pasaule nu sajiusmys treis.
niu zynu, kod uz kas paleidz –
vīnu, div, maņ ruodīs, pat treis.

Gareiguo komercdarbeiba Aizgavienī

Par gūdu gavieņa suokumam i par prīcu Aizgavienī ci Palnu dīnā.

Kas tu par katuoli, ka Jezus ustobā nav. Maņ ir.

A kas tu par cylvāku, ka par seve pasasmīt navari. Vot i pasasmeju par sevi – katuoli.

Ite karteņa ar Jezus obrazeņu i disku ar Daiņa i Līnis kinu “Te katoļiem nav vietas”.

A ite apakšā projekta “Kapļi” dzīsme par Aglyuni – “Gareiguo komercdarbeiba”. Ari pasasmīšona par sevi i sovejim.

[soundcloud width=”100%” height=”81″ params=”amp” url=”http://soundcloud.com/saprge/kapli-goreiguo-komercdarbeiba”]

“Kapļi” ir vīns nu munu meiluokūs latgalīšu muzykys veiduojumu. Vibrej bez lelu pretenzeju pret pasauli i ar sovu šarmu.
Itū dzīsmi maņ pa skaipu nazkod nu emigracejis Pūlejā atsyutēja “svātais gors” Raibīs Suņs, jis ari runoj tī tekstu.

“Kapļi” teik pīsaceits pasauļam kai literari muokslinīciskys projekts.

Daleibnīki: Oseits (Blīziejs), Arņuks (Ruoviejs), Alma (Vibrāceju operators), Kojōt (pareizī Okordi), Juoņs (Menedžments).

Bet klausīs, kai beja – jauns literats i jauns muzikis sazatyka, plus, pīzadolūt Almai, kas ir vibraceju meistars, tyka izveiduoti “Kapļi”….. Piečuok par itū vysu dazynuoja Koijōt, i tys atskrēja kluot ar sovim “Pareizajīm Okordim” 🙂 he, he……..
Vibrejam, kapļojam i kapļuosim tuoļuok 😉

Ka patyka muzyka, ite ari kina! Videoklips taiseits viesturiskuos Rēzeknis vītuos – “Latgolys Radejis” studejā, pi Muorys i Aļošys.

[youtube=http://www.youtube.com/watch?v=aG68IaY9Lro]

Paļdis Verneram par tehniskū atbolstu i paleidzeigys rūkys padūšonu, cereibu zvaigzni tūmār īlikt tū audio failu. Paļdis vysim puorejim par pacīteibu. Paļdis “Kapļim” par vibriešonu. Partū ka “vibrācejis ir dzeiveibys pamats”.

rožu dārzs

[youtube=http://www.youtube.com/watch?v=2SoW5-tLe-U]

kā Jums tas patīk? ir tomēr kaut kas labs arī rozēs.

.

Rosenrot – Lyrics ©2005 Rammstein

Sah ein Mädchen ein Röslein stehen
Blühte dort in lichten Höhen
Sprach sie ihren Liebsten an
ob er es ihr steigen kann

Sie will es und so ist es fein
So war es und so wird es immer sein
Sie will es und so ist es Brauch
Was sie will bekommt sie auch

Tiefe Brunnen muss man graben
wenn man klares Wasser will
Rosenrot oh Rosenrot
Tiefe Wasser sind nicht still

Der Jüngling steigt den Berg mit Qual
Die Aussicht ist ihm sehr egal
Hat das Röslein nur im Sinn
Bringt es seiner Liebsten hin

Sie will es und so ist es fein
So war es und so wird es immer sein
Sie will es und so ist es Brauch
Was sie will bekommt sie auch

Tiefe Brunnen muss man graben
wenn man klares Wasser will
Rosenrot oh Rosenrot
Tiefe Wasser sind nicht still

An seinen Stiefeln bricht ein Stein
Will nicht mehr am Felsen sein
Und ein Schrei tut jedem kund
Beide fallen in den Grund

Sie will es und so ist es fein
So war es und so wird es immer sein
Sie will es und so ist es Brauch
Was sie will bekommt sie auch

Tiefe Brunnen muss man graben
wenn man klares Wasser will
Rosenrot oh Rosenrot
Tiefe Wasser sind nicht still

Un iedvesmas avoti: Gētes dzejolis un Brāļu Grimmu pasaka.

modēms E220 HSDPA un Linux :)

radioaparats

šudiņ taida tehniska dīna.

mekleju datoram mozu, boltu peleiti. ideali byutu, ka ar sorkonom acteņom i gaismeņom. atrodu 1 šmuku, tok jim birojs eļnē rotā, a pīguode Ls 4,5 Reigā. nu nā, par taidu cenu asu gotova īt kuojom puori Daugovai i pa ryupnīceibys kvartalim ar bezgaleigim betona statinim. tok naīšu. paļdis.

internetveikali Latvejā vyspuor ir vīna vīneiga izklaide. pat najemūt vārā apm. 120 % uzcenuojumu – gruomota, kas izdeviejam moksoj Ls 3,00 i sprostā veikalā Ls 5,40, pi jūs moksoj ls 6,90. a veikals, kur nūpierku mopsi (mozū, boltū datoru), jau bankrotiejs. raudzieju vīnā cytā nūpierkt teleponu. nā, jim precis nav. nu, ka nav, to nav. pasyutieju cytu teleponu – tože nav. pavaicuoju – a kas jiusim ir i kū es varu pasyuteit? lai verūs lopā. a lopā nav tikai pipartrauceņa ar parašutu i sudobra piltuvis. lopā ir vyss. tik nikuo nav.

itei peleite (Экспресс-мышь на колёсиках) maņ patyka. gon drupeit cyti aizdavumi i mierķauditoreja. mož mopšam (datoram) ari patyktu. byus juopavaicoj Annelei ci Līneitei, juos mož var iztambūrēt peleiti iz ritineišu. taipat. Ireta gon ari tambūrej sedzenis pa metram diametrā, tok juos dīgus mes itūnakt izlītuojom projekta īsīšonai (tyka īsnīgti 2 kilogrami 100 gramu projekta).  tok jai niu ir ari juos japuoņu tamburka, kas nu 3. septembra atstuovēja Tonis birojā.

piec puors nakšu izklaidem ar datorim i pneimatiskajim vasarim izzynuoju div lītys:

a) niu es saprūtu, parkū guļamrajonus sauc par guļamrajonim. tī vysi guļ. tuos puors stuņdis piec veina i brandiņa gulieju kai Dīva ausī. taids klusums… nikaidu pneimatiskūs vasaru, nikaidu remontu.

b) pādejā laikā vysi naktīs sepinej jūceigys lītys: dagūši TV tūrni, kreitūši samaļoti, 3 dīnu laikā rokstomi magistra dorbi, avareja atteireišonys īkuortuos, cytplanetīši Puordaugovā, a es guļu i nikuo naradzu.

kai ari grybu atzeimēt – niu ir trokūs laiks. i es laikam izaveru piec laimeiga cylvāka – vysi maņ prosa ceļu i gryb apsarunuot. vakar maņ iz īlys pavaicuoja ceļu div reizis, šudiņ pagaidom tik 1 reizi. vakar ari vaicuoja, kur ir antena. stuovieju i meklieju, kur že iz Barona īlys ir antena. atrodu. a šudiņ pavaicuoja, kur ir poliklinika. paruodieju, guojem ar onkuli obeji suons pi suona i apsarunuojom par uorstim. pateikama saskarsme i dzeivisstuosti. vokorā braukšu iz sātu 4 h autobusā. ak jau byus vēļ kaida pateikama saskarsme.

ituo reita muzykalais fons – dzīsme par briļļu Valdi. skaipa sarakstē par itū temu izskanēja dūma, ka Arņam i RS ir baiguo Radejis suope. jim taidys iz LR sociali vārstys dzīsmis. varātu koncertēt iz īlu i, dūmojams, sapeļneitu vaira naudys kai Aņss ar sovim koncertim. nu tys tai. naformala sarakste par naformalom lītom.

vakar, lobojūt CV, atkluoju, ka vakar izabeidze šopera tīseibys. tai goduos. ceru, ka navajadzēs puorlikt, partū ka es nikuo nazynu ni par kaidom ceļazeimem. doru, kai vysi dora. policeja ir apturiejuse laikam 4 reizis itūs 10 godu laikā. 1. reizi nūvielēja prīceigus Zīmyssvātkus, 2. reizi izlyka 40 latu struopi par braukšonu bez tehniskuos apskatis (i izsacēja apbreinu, ka tik ilgi i tuoli asu bez juos i bez jūs braukuojuse), koč salonā beja 11 paplyki i napīsprādzeiti pasažīri (prīškā 2 gob.) – braucem iz azaru mauduotūs i tei beja konkursa golvonuo bolva “Ceļuojums iz vardivu leici”. 3. reizi aizruodēja, ka boltuos kurtkys jūsta kircinej uorā pa durovom, valkās pa zemi i var palikt nateira. 4. reizi izsacēja breidynuojumu par īšonu puori īlai naatļautā vītā (koč es beju pi ruļa i na tī nūsagrīžu pa kreisi).

par gūdu šopera tīseibom asu pīsavārsuse poliklinikom. izarud, muna saimis uorstīne ir atvalinuojumā. koč aizīprīkšejū reizi, kod maņ juos vajadzēja, tože beja atvalinuojumā. nu, tai jau julī goduos. a vajadzeiga mediciniskuo izziņa, ka asu pīskaitama. vyspuor naasu, tok jim tys nav juozyna. apjuojuse 3 Reigys poliklinikys i apzvaniejuse vēļ 2, sajiemu 5 atsacejumus i sūliejumus iz 18.-31.aug. partū nūliemu īt vīgluokū ceļu – meklēt izziņu Viļānūs. eisi sokūt, tāva ar muoti saimis uorsts Viļānūs pīrakstēs tū zeimi. jaunnedeļ. da tuo laika braukšu bez tīseibu. koč kai jau juodzeivoj.

šūreit kuortejā poliklinikā pasyutēja dierst. pasacēja, ka muna polise apmoksoj vysu, tok ni 2 uorstus – kluot juodamoksoj Ls 40 i tyvuokais komisejis datums ir 18. augusts. paļdis. tod mane vaira nabyus itymūs plotuma grādūs. byušu zemē ar UTC +8. koč veseleibys apskati itūgod jau asu izguojuse div reizis: 1. reizi slimeibys deļ, 2. reizi orūduorsta deļ. niu vajag 3. reizi tīseibu deļ. tys taids sova veida bulšits. nav kur naudu likt. a medapskati CSDD Bauskys īlā nagrybu īt. vajag pa rikteigam – poliklinikā i pi uorsta, na baruot vysaidus ārmu kantorus.

vēļ maņ patyka ziņa, ka Berlīnis veloceleni tai i suokušīs – ļauds poši sazeimēja ar trafaretim iz ītvu simbolus i savylka linejis. maņ ruodīs, reiz grafiti meistari varātu sasajimt i sazeimēt iz īlu vajadzeigys lītys. izapaust iz asvalta, na kiezēt sātu sīnys i svaigi nūbalsynuotus statiņus i elektreibys butkys. nikuo jau nasoku, maņ nav nikas pret grafiti. sovā ziņā jis mani īdvasmoj urbanajā pasaulī. tok par itū veloceleņu dzelu der padūmuot. grafiti pyutiejim koč ir pīredze pyust tai, ka policeja i sietnīki naredz. jūs pīredze byutu naaizvītojama i nastu pozitivu īguļdiejumu infrastrukturā i atvīgluotu traumpunktu uorstu dorbu. juotaupej tok vysaidūs veidūs – ka navar par 10 tyukst. sagrafēt ītvis, vajag pyust.

pasaklausieju šūreit draugūs muzyku. nu, kai lai soka. dīzgon nabaudama daiļrade. par pīmāru, itys – goboli par pakalem i dyrsom. kotram jau sovs. lai jau ļauds dzīd. asam tok dzīduotuoju tauta.

cyta storpā tikkū saguoja satureiga saruna skaipā ar nazkaidu arabu seksa dīvu:

5 atraideiti zvoni

– vēļ zvaneisi, nūsisšu ar syudainu mītu

1 atraideits zvons

– 

3 atraideiti zvoni

– es najūkoju. voi ar nazi pa gerkli.

1 atraideits zvons

– engliche

1 atraideits zvons

– nasaprūtu

sex

4 atraideiti zvoni

– pa seksti nagribi?

– 

2 atraideiti zvoni

– “es ar čiulim nadoncoju.”

– hay…………… 

5 atraideiti zvoni

– apsarībs kai syudu myusa gūvei iz pakalis.

[12:11:02] *** Saruna beigta ***

nu tai tei dzeive i paīt. nūmainieju skaipam īstatejumus. nivīna araba. asu laipna bez gola. bet tūmār prīca, ka latgalīšu volūda ir lingua franca i jimā var sasaprast ar vysim. pādejū teikumu to jis saprota. 🙂

nu, tys vyss tai. pi tehniskuos dīnys pīsader ari tehniskys problemys. tuoļuok var naskaiteit. tok maņ ir zynoma suope par tū vysu.

____________________________________

cita starpā pa laikam esmu Linux lietotāja, bet nevienu brīdi Linux iekšu speciāliste.  (:  manuprāt, katram jādara savs, nav ko līst tur, kur nevajag. (:
bet netieku galā ar 1 problēmu.

kad pie portatīvā kompja ASUS Eee PC 1000H (tautā saukta par mopsi) lieku klāt pie vairākiem Windows XP un Vistas kompjiem jau gadu veiksmīgi lietotu un ejošu modēmu E220 HSDPA (http://en.wikipedia.org/wiki/Huawei_E220), izlec logs – ASUS Mobile Phone Tool un pat paprasa PIN kodu, pēc PIN ievadīšanas un apstiprinājuma viņš pat atrod operatora tīklu utt.
bet, spiečot connect, tad arī viss apstājas.

paziņo, ka dialing… un iet ilgi.
līdz izlec logs “Connection fail, please re-plug in your 3G device, then try again.”

cik jau sajēdzu, paskatījos pie setupiem, bet nekas nemainās, ja tur ko maina.
varbūt kādam ir idejas, kā mopsim iebarot modēmu? (:

P. S. kā jau teicu, es tikai lietoju Linux jau pāris gadus, bet neko nejēdzu no iekšām.

____________________________________

Problēma atrisināta 30. jūlija naktī.

Muzyka nu kinys "Kūristi"

Muzyka nu kinys “Kūristi” (2004), muzykys autors Bruno Coulais.

[clearspring_widget title=”Grooveshark Widget: Chameleon” wid=”48f3ef6c29317865″ pid=”4a559467b7b2355a” width=”400″ height=”300″ domain=”widgets.clearspring.com”]

P. S. Maņ tūs dzīšmu nav – tik spīgeļs nu olūta http://grooveshark.com, tī salasieju kolekceju. Video var atrast vysur kur teiklā. Par pīmāru, ite.

1:1 i 1/1

Vysys dzīsmis ir vīnaidys. Vysys dzīsmis ir par mīlesteibu. Vysuos dzīsmēs ir tikai tik i tik skaņu i tik i tik vuordu.

Eirovizeju nasavieru – pareizuok sokūt, vierūs i naredzieju. Acs pacieļu tik iz norveģu boltkrīva dzīsmi. Vēļ padūmuoju – koč kas tī ir, gon jau tautai patiks.

Tok verūs, ka otkon runoj par plagiatu. Izroku Youtubē obejus klipus saleidzynuot. Tys pats voi cyts?

[youtube=http://www.youtube.com/watch?v=ygJYxMP_ICY]

[youtube=http://www.youtube.com/watch?v=-8JRtGMBUz0&]