Tag Archives: dzeja

Nūvodu dzejis dīnys Reigā

Novadu dzejnieku dzejas lasījumi Latvijas Etnogrāfiskajā brīvdabas muzejā

“Novadu pant-Toņi”

2008. gada 6. septembrī

Norises laiks: plkst. 11-15

Koncepcija

Mērķis:

Popularizēt novadu dzejnieku veikumu, uzsverot katra kultūrvēsturiskā novada – Zemgales, Kurzemes, Vidzemes un Latgales – savdabīgo kultūras identitāti, kas izpaužas novadam raksturīgā unikālā kultūras mantojumā un valodas īpatnībās.

Uzdevumi:

  1. Ar reģionālo literāro apvienību un nevalstisko organizāciju palīdzību 2008. gada 6. septembrī sapulcināt Latvijas Etnogrāfiskajā brīvdabas muzejā 3-4 dzejniekus no katra Latvijas novada;
  2. Katrā Latvijas Etnogrāfiskā brīvdabas muzeja novada sētā (Zemgales, Kurzemes, Vidzemes un Latgales) izveidot attiecīgā novada dzejnieku dzejas lasījumu „stundu” (katra novada dzejas lasījumi ilgs 45 min + 15 minūtes starpbrīdis, kura laikā klausītāji un dalībnieki pārvietosies uz nākamā novada sētu) (scenāriju un tā izpildījumu pēc brīvas izvēles katra novada sētā organizē attiecīgā reģiona literārās apvienības pārstāvji un paši dzejas autori);

3. Ar nolūku pasākuma „Novadu pant-Toņi” pamatauditorijā (dzejas cienītāji, novadu pārstāvji u.c.) integrēt Latvijas Etnogrāfiskā brīvdabas muzeja apmeklētājus – ģimenes ar bērniem, pie katra novada sētas izveidot tematisku radošo (zīmēšanas, apgleznošanas, veidošanas u.tml.) darbnīcu (radošo darbnīcu organizatorisko darbu veic Latvijas Rakstnieku savienības pārstāvji, taču idejiski laipni aicināti piedalīties arī reģionu literāro apvienību un Latvijas Etnogrāfiskā brīvdabas muzeja pārstāvji);

4. Pasākuma „Novadu pant-Toņi” noslēgumā noorganizēt radošo darbnīcu laikā tapušo darbu izstādi (organizatorisko darbu veic Latvijas Rakstnieku savienības pārstāvji).

* Projekts „Novadu pant-Toņi” nav komerciāls, tāpēc ieeja pasākumā ir bez maksas, taču tā apmeklētājiem, izņemot organizatorus un dzejas autorus, būs jāiegādājas Latvijas Etnogrāfiskā brīvdabas muzeja ieejas biļete (pieaugušajiem Ls 1, studentiem un pensionāriem Ls 0,75, skolēniem Ls 0,50) (invalīdiem, pirmsskolas vecuma bērniem, daudzbērnu ģimenēm, bāreņiem un bez vecāku gādības palikušiem bērniem, pansionātu iemītniekiem (uzrādot dokumentus) ieeja bez maksas).

šudiņ leits

Turu lūgu vaļā, a aiz juo leita gardīnis. Myrgoj i kreit leita lasis. Kai teļvīzerī vysleidza.

Dīnys komentarūs nazkas vaicuoja par munu nakoņsekveņci – ka asu saciejuse izataisnuot pi krysta, a niu nadoru. Tai kai taida teksta napīmiņu (zynu, ka beja vacs dzejūļs, tok kaids tam ar tū sakars), paguglieju drupeit.

Nikuo pruoteiga naatrodu. Vysmoz ni par temu.

Tik itū zeimiejumu. Kaidam piec “Muzykys Skrytuļa” saguojs izzeimēt.

A dzejūleits itaids. Atrodu sovā datorā nazkur vacajūs datūs.

.

***

kotrs satyktais

breineiga vareiba

ļūbēt viņ sevi

i nu pasauļa sitīnim

sasaraut komulī jālā i ašņainā

i izataisnuot pi krysta

.

daruodit

ka ari ar mīlesteibu var dzeivuot

i es ļūbeišu vysu pasauli

šoks

tikkū pa skaipu sajiemu audiofailu nu jaunuo Dzejis diska. jūceiga sajiuta. vysod ir jūceigi dzierdēt sevi i dzierdēt cyta interpretaceju.

zam 1 dzīsmis es napasarakstieju i tai ari napaprasieju autoratleidzeibu par dzejūli, partū ka tys vaira nabeja muns dzejūļs.

interpretacejis var byut vysaidys. ari svešys i naizeimūšys nu muna teksta.

zynu, ka itū dzejūli asu skaitiejuse ari lobuok. ite ir piec garys dīnys pi mašynys ruļa.

nu ūtrys pusis, es naasu nikaida dzejneica, kab maniakalai uzamuoktu ar tekstim.

par rokstim Latvejis Viestnesī

Saprotu, ka napuorkopeišu ite vysus atlykušūs laikam tikai 3 voi 4 rokstus nu Latvejis Viestneša, partū ka jī nav dzeivi. Ir gryuts raksteit patīsi, ka nasaprūti spēlis nūsacejumus i par tū moksoj. It kai pasyuta muzyku, it kai nā.

Par pyrmajim rokstim sajiemu aizruodiejumus – asūši par garu, par garlaiceigu, par latgalisku. Nūsaspļuovu i niu atsadzeivuoju tikai piec nazkurejuo aicynuojuma.

Najiutu tū “blogu” asam dzeivu. Ni tī auditorejis, ni breiveibys. Nav pat kū apguozt, partū ka apleik vyss ir par daudz nikai i oficiali. Kai Tīslītu ministrejā bloceņā zeimēt uopsi iz skrytuļslidu. Ha.

Nu tuo nasamaina ni uopss, ni Tīslītu ministreja. Tikai es poša zemeidama.

Raksteišona par veļti atbreivoj. Attīceibys ar skaiteituoju (pat tod ka juo it kai nav i jis nikuo nasoka) ir cytaidys nakai ar redaktoru, kas nazkuo gaida.

Šudiņ sajiemu nu Ilonys rieceigu syutiejumu. Naatzeits dzejnīks purp iz vysa pasauļa, kas jam nadūd naudys murgu izdūšonai. Smīkleigi. Skaidrs, ka kotrys var izdūt pats samizdatā vysu, tok voi cytim par tū ir juomoksoj. Ka juo dzejūļu kruojumu byutu atbaļstejuse Rēzeknis rajona pošvaļdeiba, es nudi aizītu iz tū pošvaļdeibu pavaicuot, ar kaidom tīseibom jī munu naudu tierej syudu izdūšonai, navys ceļa molu appļaušonai voi kaida pogosta uorsta praksis gaņku remontam, voi kaida pogosta školuotuoju izgleiteibai.

Nu jā. Gruzejis Uorlītu ministrejis lopa otkon struodoj. Vīnu nakti tī beja Krīvejis hakeru īlykta Hitlera biļde. Cytu nakti nabeja nikuo. Niu ir Gruzejis bombardeišonys karte.

Vīneigīs lobums nu kara – juo laikā nivīns ak jau naizdūd syudeigu dzeju.

uobeļu sadā

.

nasoki maņ i pa jūkam

ka laiks itys odotom dur

ka vuorteni tovam sadam

da kuoju vaļā i nasatur

ka uobeļneicenis tovys

zīmys soltumā saļ

.

pasoki maņ, ka tev labi

ka vyss kai pa vacam īt

ka tovi uobeleiši vēļ zali

leigojās zorūs i brīst

ka myužeigi myužam byusi

ka tev navajag nikur īt

.

koč i naticeišu, es byušu

tovam uobeļu sadam sorgs

tovys uobeļneicenis sīšu

kab zači jūs nadasnīdz

tovom uobeļneicom es byušu

mīteņš, saule i snīgs

.

tikai nasoki maņ, ka nav labi

ka laiks itys odotom dur

koč i vuorteni vīnā eņdžē

i to vaira nasatur

pasoki maņ, ka ir labi

ka tu nasataisi nikur

.

zeme vece

.

kod nabejs zamūs iudiņu krostūs
aizleiguos laika laivys i aizness
i otkon zeme grīzsīs ar iudini kūpā
i otkon es dūmuošu otkon par tevi
par laivom, kas aiznas i aiznas
i otkon zeme laissīs i atsalaiss
iudiņa steigys viļksīs jai puori
i otkon zeme byus iudiņa izgrauzta
zeme byus krunkaina vece
i otkon laiks aizzuodžēs laipys
kas aizvad iz viņu krostu i aiznas
i otkon vysi, kas napaspēs aizīt
puorīt jom sausā i puorīt aiz laika
sasasēss laika laivuos i maus
i otkon aizleiguos laika laivys i aizness
iz viņa iudiņa krostim i aizness
i otkon zeme ar iudini kūpā
sasajauks dubļu jauktivī malnā
i otkon zeme byus krunkaina vece
jei sēdēs iudiņa krostā i kauks
i otkon juos grumbainūs byudus
apjims laika i nalaika skusts
i juos moti siermi i gryuti
nu iudiņa izmierkuši i steivi
i otkon juos moti kai iudiņa zuolis
leiguosīs, laissīs i skars leigonuos laika laivys
i otkon juos leiguos iz viņu krostu
pa iudinim gryutim i malnim i aizness
i otkon jūs purni atsadūrs krostā
glumā i leigonā, izmierkušā i slapņā
i otkon jūs purni puoršliuks jam puori
i otkon i otkon pa iudinim malnim
a zeme kai vece grumbainim byudim
nūrauss osorys kaulainim pierstim
i sēdēs zamūs i leigonūs iudiņu krostūs
i otkon jei sauks, i jei cerēs i byus
i ļauds nu aizviņu krostu laissīs i maus
i laissīs nu krostu malnā i dyuņainā upē
pa laika izgrauztom osoru stygom
a zeme kai vece gaidēs aiz laika
kod laika laivys atleiguos gryutys i atness
kū laiku laikim ir nasušys prūm

Olūts: LaKuGa.lv

jumprova svāta

jumprova

.

jumprova svāta

kienigšte tova

propula poļaku zvīdru karūs

.

jumprova svāta

jī guoja i kuove

nu laiku tūs muna mīsa

iz ašņa oltora dzysa

nu laiku tūs munā mīsā

ir nuovis i karu bolss

.

a tova

Pūlejis plastmasa seja

a tova

dabasu vīnaldzeiba

Pūlejis bļakys zeļteituo pelerina

dabasu vīntuleiba

.

cik tyukstūšom tovu muosu

aizlyudz par myusu mīsom

cik tyukstūšom pasauļam kruosu

a dabasu zyluo tik vīna

.

jumprova svāta

cik dīvu, cik kardinalu

tu puordzeivuojuse klusom

cik mīsu gryma i dzysa

cik dīnu

paguoja cereibā lyudzūt

cik sīnu

atbolsus globoj

.

jumprova svāta

dabasu karalīne

kur tova sāta

.

jumprova myusu

aizlyudz tu Dīvu

i vyss kai pret sīnu

par blaktim

.

Pavasar, kod eisys nakts,

Mežā staigoj rasnuos blakts.

Jom iz rogim syuna aug,

Spuorni zylom spolvom,

Pošys zaļom golvom.

.

Mežā naktīs skali bļaun,

Stompoj kuojom leikom.

Jom iz astem osi zori,

Ausim leli puški;

Mežā gonuos blakšu bori

Tai kai meža rukši.

.

Rudiņūs juos losuos borūs,

Sastās vysys kūku zorūs

I iz syltom zemem skrīn.

.

karjers

.

kur tu beji, kur tu beji

kur tu beji, naej.

.

tymā vītā dzeļža kuojom staigoj kuopurkēdis

tymā vītā smiļšu kolni kuop nu zemis vyda

tymā vītā nabyus mīra.

kur tu beji, nalein

tymā vītā cyti laiki.

.