Biroju dzeive

Piec Maritys īsacejuma apsavieru kinu. I patyka – vacais stuosts, cyta vīta.

[youtube=http://youtube.com/watch?v=uy0HNWto0UY]

klipārtu kina

[youtube=http://www.youtube.com/watch?v=LK90lJCHlV4]

Dāls

[youtube=http://www.youtube.com/watch?v=B5CUlJidZUU]

atrodums

navarieju izataisēt iz dorbu i pyrms tuo vierūs kinys. tai reizem goduos pyrmūdiņu reitūs. partū ari struodoju taidā vītā, kab varātu aizīt iz dorbu stuņdi vieļuok, ka galeigi nasagryb. nikas nav tik svareigi, kab nabyutu nasvareigi. sevi komuot nav vārts. taipat jau dzeive nav vīgla padareišona. i golvonais ir dorba rezultats, na stuņžu atsiedeišona. a pats golvonais – prīca dzeivuot, struoduot, byut.

redz, kū atrodu. Sprukuļu Juoni! jis i dzīd. i dzīd škārsteiklā! 😀

[youtube=http://www.youtube.com/watch?v=G0TATFOdFJE&feature=related]

a ite par jū roksta. ni kuo pīlikt, ni atjimt.

nui, labi. a niu to gon iz dorbu…

– pie darrrrrba, pie darrrrrrrrrrrba! – sauca fabrikas skāļrunis strādniecēm. – pie darrrrrba!

Birdy (1984)

[youtube=http://www.youtube.com/watch?v=hfGwJGrLz2w]

Vakar dūmuoju puorbaudeit, kū nazkod asu nūkāčuojuse nu teikla. Nazkaida kina, režisors Alans Parkers, Nikolass Keidžs jauneibā, mistika. Dūmuoju, pasavieršu, kas tys ir, i īšu gulātu. Nu reita juosaceļ.

Nūsavieru da gola. Pajēme.

Par div draugim, patīseibā atškireigim – vīns ir normals džeks, kam interesej i buobys, i dauzeišonuos borā, a ūtrys vīnpats, cytaidais, cylvāks “ar putynim” golvā. Ruodīs, kas jim var byut kūpeigs, tok nu jī sasadraudzej i dasaver vīns ūtra.

Obeji teik Vjetnamys karā. Vīns sakrūpļuots fiziski, jam iz sejis ir apsiejs, metals kaulu vītā, a ūtram aizbrauc jumts.

Te ari aizasuoc stuosts. Par kara nažieleibu pret vīnkuoršuo, mozuo cylvāka dzeivi. Varbyut kam nabejs tuo gļuka Gruzejā, tys tai nasaruodeitu, a niu nazkai da mīļu. Kars puorbrauc i samaļ, a vysa dzeive lupotuos. Kai vīns nu jūs soka – kab koč mes byutu varūni. Byutu cyts kars, saītu dzimtinis aizstuovi, varūni, a niu par veļti samaituotys dzeivis.

Pyrmais draugs rauga dasarunuot da ūtra, kas truli verās nakurīnē i īsadūmoj sevi par putynu – kas var aizliduot prūm nu vysa, kam nav rūbežu. Tuo vajag jim obejim.

Ek, kū tī daudz. Kina ir kas vaira nakai niu te varu pīraksteit. Par nazkū taidu vuoreigu i smolku, kas satryukst – kai putineņa dzeiveiba, īsatrīcūt styklā i puorlaužūt koklu. Vēļ sylts i meiksts, dreiž sastiņgs. Nu žāluma navari, a nikas nav leidzams.

Back to top