lai kur ari ītu

lai kur ari ītu
tu atrassi munu bolsu.

lai kur ari ītu
muoksleigūs puču myužeigumā
byus muna sirds.

atlaid maņ, griecineicai
kai es atlaižu cytim
nastruopej munys struopis
i pasorgoj mani nu eļnis guņs
kai es sorgoju cytus.

muna sirds tod byus pylna
muna sirds tī byus plyka
muna sirds īs nu krostu
kai upe nu pavasara
i nazynuos mīra.

lai kur ari ītu
tev nabyus vairs mīra
tu byusi bez krostu.