Teicīni

Latgalīšu teicīni

Acīs eņgeļs, aiz ocu čorts.

Acs aci sorgoj, kab naizdūrtu.

Acs kai opūgam, auss kai ezeļam, gudreibys kai myusai.

Acs nūsabeist, rūkys padora.

Aiz gudreibys nūsaglobuojs pruots.

Aizguoja suņam sīna pļautu (naceļūs).

Aiz skūpuma pagaist i cylvāka cīns, i pruots.

Aiz spūdruma meklej saulis.

Ap pierstu gudruoka naapteisi.

Ar acim dorbu naīveiksi.

Ar acim teiruma naaparsi.

Ar akminim zvaigžņu nu dabasu nanūgrauduosi.

Ar buobys pruotu pi gudreibys natiksi.

Ar ciervi pakaļ kotrai myusai naizskraideisi.

Ar ciervi zierņu naškolda.

Ar dyuni vādara napībuozsi.

Ar gudreibu svaiduos, glupeibys pīlosa.

Ari sorkonam uobeļam vydā tuorps.

Ar jaunu zyrgu nadzan taisnu vogu.

Ar kaidu sauvi dūsi, tik atpakaļ dabuosi.

Ar, kai var!

Ar lizeiku klāva naizmiezsi.

Ar māru dori vysu.

Ar mēli nūkaun vaira ļaužu kai ar zūbynu.

Ar mēli syt kai ar peicku.

Ar mēli viņ pluociņu napīcepsi.

Ar mudru pruotu vysu padareisi.

Ar muti Reigā, ar dorbim paceplī.

Ar nateiru muti naej ļaudīs.

Ar odotu navar kara apkaut.

Ar osorom maizis nu zemis naizrauduosi.

Ar peicku nasyt žeivotu, a to pats peickys dabuosi.

Ar pīri myura napuorsissi.

Ar pruotu Reigā staigoj, ar dorbim vuoļojās iz cepļa.

Ar sītu iudiņa napīsmeļsi.

Ar sovu gudreibu nasalīlej.

Ar sovu pruotu cytam viersā nasabuoz.

Ar spreižim dabasu naizmiereisi.

Ar ūtra montu bogots napaliksi.

Ar ūtra rūkom tik ūglis gruobt.

Ar ūtra svīdrim vīgli iztikt.

Ar valna vuordu naej dryvā.

Ar vīnu rūku dūd, ar ūtru jam.

Ar vīnu rūku ēst dūd, ar ūtru lizeikys kuotu dur acīs.

Ar vuordim eņgeļs, ar dorbim satans.

Atsazeišona ir ceļš iz izalobuošonu.

Atspriekleņ ustobā nakuop, atspriekleņ narunoj – taisnam cylvākam taisna runa.

Ād kai ar zūbu golim.

Ād kai ryuss dzeļzi.

Ād kai lels veirs, struodoj kai čyguons pi zemnīka.

Ād vīns cylvāks ūtra vysleidza kai zivs zivi azarā.

Bailēs vīna vylka vītā pasaruodēs symtu.

Bārni i duraki runoj patīseibu.

Bārns bez tāva nadzymst. // Nav dyumu bez guņs.

Bazneicā divejis reizis nazvona, kūrslim divejis muoceibys nasoka.

Bez Dīva zinis i mots nu golvys nanūkreit.

Bezkaunei bļūda vysod pylna.

Bez laika nasvīd izkapts kryumūs.

Bez prācys nav tykuma.

Bez suopu nivīns nav pīdzims.

Bēdz nu plieseiga zviera, grīz ceļu ļaunam cylvākam.

Blusu pyulīnī tics, nasoki, ka blusu nav.

Bobuļam kapeika tikpat duorga kai bagaturam symtu rubļu.

Boda laikā i vylks dzērvinis losa.

Bods īvuica struoduot.

Bogots bobuļam ni draugs, ni radinīks.

Bogotam i čorts bārnus auklej.

Buobai zūbu kai eciešai topu – apēss bez suoļa.

Cyuka atēss golvu, pats kieneņš nadaliks kluot.

Čaklys oruojs, īdams pier orkla, atpakaļ nasaver.

Čakšs čakstynoj, kam jis čakšs, a kam tev juočakstynoj?

Čapaslus čapaslojūt par čapaslu paliksi.

Čaplaks čaplakam paraugs.

Čāpstynoj āzdams kai cyuka pi silis.

Čeikst kai žyda roti.

Čierkst kai cierciņs iz puorta.

Čiuļs čiuļam rods, a latgalīts latgalīšam īnaidnīks.

Čyukš da čaukš, a viekšyns kliepī kai lykts.

Čyuska mat uodu, ni tykumu.

Čorts čortam i kūrpis šyun.

Čūkstā dorbs i materials…

Dabuoja soltys pierts.

Da smierts juoād, da vacuma juosavuica.

Deļ blusys navajag cierva.

Deļ duraku lykumi nav raksteiti.

Deveni omoti, dasmyts bods.

Dīvam soki paļdis par kotru maizis druponu.

Dīvam zynomi jiura i dabasi, na tikai tovys sakluos sirds kakteni.

Dīva vāzai diveji goli.

Dīvs deve, Dīvs jēme.

Dīvs, Dīvs, kas tovys zivs gius, ka myusu nabyus?

Dīvs ni mozais bārns, napīmuoneisi.

Dīvs suņa bolsam naklausa vys.

Dīvs tevi dzierd i dzierdēs, ka labi dareisi i taisneibu runuosi.

Drystynam nikod nav laika gona.

Dūd, Dīveni, ūtram dūti, na nu ūtra žāli lyugti.

Dūd, Dīveņ, ar gudru runuot, ar stypru kautīs.

Dūd, Dīveņ, maizi, zūbi atsarass.

Dūd, Dīveņ, talānam vylka nūreit.

Dūd draugam, prosi nu īnaidnīka.

Dūd myrušam slavu, dzeivajam mīlesteibu.

Dūd vacam gūda, jaunam grīz ceļa.

Durakam duraka volūda.

Durakam i kule par zvonu.

Duraku i bazneicā per.

Duraku tik kops izvuicēs.

Dur kai ar pierstu acī.

Dzāruojs bogotuoks par kieneni.

Dzāruojam dzāruoja volūda.

Dzeive ir lels buļbu teirums; kurs leluoks cyuka, tys vaira pīrūk.

Dzeivi nūdzeivuot, ni kraklu nūvolkuot.

Dzeivoj, cik gribi – vysleidza saulis myuža nanūdzeivuosi.

Dzeivoj kai ar bruoli, riekinojīs kai ar žydu.

Dzeivuosim, redzēsim.

Dzeļzi kaļ, cikom korsts.

Dzeļzs ryuša naād, a ryuss dzeļzi ād.

Dzeņ zyrgu ar uoryskū sīnu, na peicku!

Dzer kai teļš sūmozgys.

Dzīd kai mednis – cyta ni dzierd, ni redz.

Dzīd kai mednis – sovu viņ dzīsmi.

Dzīsmei vuordu napuormeisi.

Eilyna maisā nanūglobuosi.

Ej suņam sīna pļautu!

Ej ustobā ar volūdu, teirumā ar paleigu.

Es gūvi aiz rogu tureišu, a cyti lai slauc.

Esi lūkons kai nīdre, tok nalyuzti.

Ēd kuo āzdams, naapēd gūda.

Ēd maizis, naēd cylvāku!

Ērce dzer ašņa, ļauns cylvāks spāka.

Gaida kai iesšonys.

Gaidi, cikom gaiļs ūlu izdēs.

Gaidi kuo naviņ paieds, ni naieds.

Gaiļa pruots, cuoļa golva.

Gaiša, gaša golva – byutu vēļ gaišuoka, byutu kuopusta golva.

Gara mēle, eiss padūms.

Gari moti, eiss pruots.

Glaudi kai kači pa spolvai.

Glums kai gūmeiza (sieņs).

Glums kai zuts.

Gluozē nūsleikst vaira ļaužu kai jiurā.

Goduos dzeivē i oklai vystai atrast kaidu gryudu.

Goduos i durakam kaids zalta gobols.

Goduos, ka syvāni boduos.

Golva kai kuorklu kryums.

Gons vušku napazeist, vuškys gona pazeist.

Gosts ni vysā sprosts.

Grāks dzemdej grāka.

Gribeisi vysa zynuot, mudri vacs paliksi.

Gribi ar veizem dabasūs tikt.

Gribi pazeit drauga, pasauc paleigā pi dorba.

Gydrys kai pūdnīka suņs – muolus ād, pūdus diersn.

Gudrys kakoj i ar golvu mahoj

Iedīņs iz iedīņa navuodej, sitīņs iz sitīņa vuodej.

Izaganiejuse kai gūvs pa svešu ganeibu.

Izaganiejuse kai luova.

Iz cepļa sēd i golvu grūza.

Izdūmuoja kai suņs pīktdīnis.

Īluopeņ, verīs, kaida drēbeite!

Jauna putra plepinej, vaca buoba sepinej.

Kačam zam astis.

Ka iudiņs smeļās mutē, vuicīs mauduotu.

Kai pirdīņs pa ponnu loksta.

Kai uozs iz laipys.

Kai var, tai ar.

Ka jis myra, spyrys byra, nivīns gauži narauduoja.

Ka lela dusme, skaiti da symta.

Kam ta pateik i skuobais svīksts.

Kas, kas? Kas, cikom izkas!

Kluseišona – pīkrisšona.

Klusej, putra! Lai runoj āduoji.

Klusi iudini dzili.

Kod bods pa durovom vydā, mīlesteiba pa lūgu uorā.

Kod kača nav sātā, pelis pa goldu doncoj.

Kod nu pūra izīsi sausom kuojom, ko nu krūga nadziers.

Kod nūmiersi, tod i izaguleisi.

Kod suņam nav, kuo rīt, rej malnu calmu.

Koč suņs dasīts, naboksti ar vāzu zūbūs.

Kod vacs navaid, kod mozs naraud.

Kolps ād maizi kai muolu, plieš drēbi kai tuosi, dorbu stīp kai dīgu.

Kotrai dīnai sova nakts.

Kotram katalikam pa matalikam.

Kotram pūdeņam pa vuoceņam.

Kotram sova vuts.

Kotram sovs kraklys tiuļuok.

Kuo grūzi acis kai Jura boltuo kēve!

Kuo, kuo? Kuokyns guoja, pīkakuoja. Anna guoja, sagruobuoja.

Krauklis kraukļam acī nakņuob.

Krauņ vazumu pa zyrgam.

Krotuos kai keiseļs.

Kruoj kapeiku pi kapeikys, kruši i rubli sakruosi.

Kuo brīsmeigi gribeisi, nikod nadabuosi – skaudeiba stuosīs ceļā par škiersli.

Kuo cylojīs kai gūvs iz meizšonu.

Kuo izbūzi acs kai buļļa pautus.

Kuo klusej kai mēli mutē nūrejs.

Kuo navar ceļt, tuo navar nest.

Kuo navar nūreit, navar apēst.

Kuo pats nagribi, ūtram nasūlej.

Kuo pruots, tuo i vaļa.

Kuo ryugojīs kai suņs buļbu paieds.

Kuo rotūs brauc, tuo dzīsmi dzīdi.

Kuo smaidi kai syltā syudā īkuops.

Kuo stuovi kai mīts.

Kū ar luoci kautīs, lobuok bez tauku ēst.

Kū ar viersi mežā pībraukuosi, ka Dīvs zyrga nav devs; kū ar duraku pīrunuosi, ka Dīvs pruota nav devs.

Kū bogotam padareisi – maize ir, bez maizis ād.

Kū Dīvs gryb struopeit, tam atjempruotu.

Kūd kurā pierstā gribi, vysi sovi.

Kūd kurā pierstā gribi, vysi suop.

Kū īsuoki, tys juopabeidz.

Kū jauns ar spāku, vacs ar viļteibu.

Kūki naaug dabasūs.

Kūks nakreit ar pyrmū ciertīni.

Kur tu tik ilgi beji, ka tik mudri atguoji?

Lai dūmoj zyrgs, jam lela golva.

Motku tiņ ar dīgim, golvu ar gudreibom.

Muna meita, ļaužu vadakla.

Muotis meiluma da jiurys dziļuma, tāva meiluma da iuzu dziļuma.

Nadzer cyta ašņa!

Nagaidi uobeļu majā.

Na iz lobu koza pard.

Naleiņ svešā pakalē par spryudzini! Na kotrai pakalei vajag spryudziņa. I na kotram spryudziņam juobyut pakalē.

Namīra cāluojs nader par mīra savedieju.

Nav dyumu bez guņs.

Na vysys vardivis var salēkt lelajā oporā, cytom ir juoloksta ari pa sausu zemi.

Nu cīši lels – kuojis da zemis i goli aplīkti.

Nu mīga pluociņu napīcepsi.

Nu sirds smejās tys, kas labi paieds.

Nu teve tolka kai nu solta pojaļnika.

Ogruok beju jauns i šmuks, niu tikai šmuks.

Paāduse vuorna cytā bolsā klīdz.

Pa bolsam i volūda, pa veiram dareišona.

Paieds cylvāks par naādušu naīguoduos.

Pasagadēja kai oklai vystai gryuds.

Pats gruovī, blise pa valnim.

Roskošs dyrsu kosa.

Sajādz tik daudz kai gaiļs nu aptīkys.

Sajādz tikpat cik vucyns nu gradusnīka.

Skraucs bez iuzu, saucs bez zuoboku – oba diveji leli meistari.

Suņs ka napavuoļuos, naēss.

Taids kai vucyna pakauss.

Taisnam cylvākam taisna runa.

Taisuos kai vysta iz diešonu.

Troks voi nu Rogovkys.

Tušeiti zierni gorduoki par natušeitim; vuiceits cylvāks vierteiguoks par navuiceitu.

Tuš i tuš ar lyupom, a ar muti ni vuorda.

Ūtram sova pruota naīliksi.

Veiram sīvys vajag, ka vasala, a bruoļam muosys – ka bogota.

Veirs kai ūzuls, pipss kai dīgs.

Vuicīs da groba, taipat par duraku nūmiersi.

Vuorejās kai bīza putra.

naktineica.lv

7 thoughts on “Teicīni”

Leave a Reply

Your email address will not be published. Required fields are marked *