3 puosokys par laimi

Šudiņ asu puorskaitiejuse nanormalu skaudzi ar latgalīšu puosokom. Pošys lobuokuos beidzās cīši švaki.

Muna meiluokuo puosoka ir par veceiti i vecineiti. Vecs īsēja zierni, vecineite pupu, zierņs sakolta, a pa pupu jī obeji izkuope dabasūs. Vyss labi, cikom dabasūs jēme i sasastreidēja sovā storpā. Deļtuo Dīvs jūs nūsvīde nu dabasu, jī nūkryta, nūsasyta i nūmyra. 🙂

Tok taida troka puosoku skaiteišona navar palikt bez seku. Ite inspiracejis auglis. 🙂 Vasalys treis puosokys.

1. puosoka

Par meitu, kas par daudz zynuoja

Reizi dzeivuoja kieneņš i kienenīne, jim beja piļs augsta kolna golā i meita, kas muocēja vysys zvieru i putynu volūdys, varēja sariekinuot vysus pasauļa ruopuļus i peikstuļus, zynuoja vysys myusys i vabalis. Tei meita beja cīši loba i nanūsyta nivīnys myusys i nasamyna nivīnys vabalis, partū ka zynuoja jūs volūdu.
Kod kieneņš i kienenīne palyka vaci, meitai beja laiks īt pi veira, tok nivīns juos navarēja pajimt – par daudzi gudra, par daudzi loba. Atjuoja vysaidi precinīki, saguoja vysaidi ļauds. Izaruodēja ar taidim breinumim i itaidim – lēce, skrēja i kuovēs. Tok gols golā vysi aizbrauce tikpat bogoti kai braukuši, aizjuoja tik stypri cik juojuši. Meita jim redzēja cauri, vysys vabalis runuoja desmit bolsūs i pastuostēja – tys zyrga nažāloj, tys suņa syt, tam kačs ar vīnu aci.
Reizi atguoja vīns ubogs. Ni jam naudys, ni bagateibys, ni spāka. Vysu bagateibu pagaisynuojs, vysu naudu puorlaids par kuli, vysu veseleibu sabeidzs progareibā. Nu monta jam beja tik kasteite, a tymā kasteitē sviļpuoja div sorkoni putineni.
Niu gon meita redzēja – jis žāloj putyna, žāluos i juos. Atsalaide treis syudu vabalis i šveikstēja par laimi, atsalaide treis syla taureni i plivinēja par laimi, atsalaide treis rasnys myusys i ryuce par laimi.
Tok ubogs pasavēre iz kieneņa meitys. Pasavēre iz sovu nūnosuotūs lupotu, iz sovu vacūs kadaku. Sajēme putynu būreiti cīšuok padusē i aizguoja. Jis tok nabeja peļniejs taidys laimis.
A meita nūsašpļuove par taidu duraku i dzeivuoja tuoļuok. Ka nav dzeivē laimis, tok koč myusu i vabaļu volūdu zyna.

2. puosoka

Par vacu naudu i lisapedu

Reizi iz kolna stuovēja lela piļs. Tymā pilī dzeivuoja kieneņš, kienenīne i septeni dāli. Kod vysi dāli jau beja apsaženiejuši, kieneņam i kienenīnei pidzyma meita. Auga kai puče, zīdēja kai rūze.
Guoja laiks, kieneņš i kienenīne nūmyra, a piļs nūgryma zemē i iz kolna napalyka ni plyka cegla.
Meita sēdēja iz kolna vyds plyka i naboga, a nivīnam juos navajadzēja. Bruoli pasaulī kur kurais, a precinīkim krīze i benzinam nabeja naudys – kai ta brauksi preceibuos ar vacu opeli.
Vīnu vokoru jei guoja pastaiguot i satyka puisi. Puiss brauce iz lisapeda nu medeibu i verās – iz ceļa vyds jauna, šmuka meita, labi izaver. Tik ka cīši bedna.
Meita prosa puišam – brauksim iz sātu. Puiss puorsabeida da smierts i tik mudruok myn pedaļus.
Meita prosa puišam – pajem mani iz bagažnīka. Puiss vysā buols, tok vēļ sirdeiguok mynās prūm.
Meita pādejū reizi prosa puišam – dasadur maņ. Puišam nu bailis rūkys steivys i kuojis kai atjimtys.
Tai jis laimeigs aizbrauce iz sātu, a meita sakryta par Eijafjallajekulla palnu skaudzi iz ceļa vyds. Byutu jis jai dasadūrs, dzeivuotu obeji bogotai.
Tei meita to beja tuos piļs vacuo nauda. Kurs dasadur, tys laimeigs.

3. puosoka

Par vacu kačini, buobu i sīvīti

Reizi dzeivuoja nabogs zemnīks i jam beja vaca kačine i glups dāls. Kod zemnīkam vysā myrys guoja viersā, jis padzyna nu sātys glupū dālu ar vysu kačini – lai īt pasaulī laimis maklātu. Kuo volkuosīs ite ap pakšim, ka cylvākam juomierst.
Guoja glupais dāls ar vysu kačini, jau ēst gribīs. Jau gryb kačini ēst, a tei prosuos – palaid mani mežā, es tev putineņu atnesšu. Dāls laiž ar, piec laika steivuo kačine atīt ar putineņu. Dāls jau kaut i ēst, putineņš prosuos – palaid mani vaļā, dabuosi zalta spaļveņu. Dāls kai jau glupuoks palaiž ar i spaļveņu ībuož kuldā. Īt tuoļuok.
Daīt da upis, nu tai ēst gribīs. Dāls aizkur guni, ēss kačini. Kačine otkon prosuos – palaid mani vaļā, es tev zivteņu atnesšu. Dāls palaiž, kačine nūgiun zivteņu. Tik dāls mauks iz zora captu, zivteņa prosuos – palaid mani vaļā, es tev zalta zveineiti īdūšu. Dāls laiž ar, kū tu glupam padareisi.
Īt tuoļuok, nūīt da nazkaidys budonkys, tī ceplis kurīs. Dāls svīss kačini ceplī i ceps, kačine prosuos – palaid mani ustobā, es tev taidu peli nūgiušu. Dāls sirdeigs – kas ta jam niu peli byus juoād? Tok laiž ar, glups kas glups. Kačine nūgiun peli, atnas. Jau dāls uodu mauks zemē, pele prosuos – palaid mani vaļā… Dāls sirdeigs – zalta asti īdūsi? Pele puorsabeiduse soka, ka zalta gryudeņu īdūs. Nu ka taida dzela, dāls laiž ar. Glupam i glupi dorbi.
Te nu paceplis izlein strāšna buoba leikom kuojom, aizaugušom acim i daguna vītā pīpe. Buoba soka dālam – atnes maņ nu klāva gaili. Ka nā, apiesšu tevi.
Dāls īt iz klāvu, a tī gaiļs pats taids kai klāvs – pīši kai odotys, kņuobs kai lelgobols, a aste kai zyrga lūks. Nu nikuo, izvylka nu kuldys zalta spaļveņu, par reizi gaiļs sasaruove mozeņš kai tys meža putineņš. Dāls pajem rūkā i atnas.
Buobai až mute vaļā, a tī zūba nivīna, tik dzaltonys i bryunys saknis. Seņ pi zūbuorsta nav bejuse. Tok buoba namat mīra i soka – atnes maņ nu veikala pangasejis fileju. Tok taidu fileju, kab nivīna kaula nabyutu i nivīnys zveinis. Kab vaira kai kilograma nasvārtu, tok kab lai byutu koč kilograms. A to es tevi apiesšu!
Dāls īt iz veikalu i nazyna, kas tys kilograms i kas tei pangaseja. A veikalā puordevieja – nu tik šmuka, tik jauna, tik laipna. Vysaiž muonej, vysaiž izaruod. Cikom jau dāls nu kuldys izvalk zalta zveiņu, a puordevieja nu tuo palīk par saļdeitu pangaseju – taišni kilograms, ni vaira, ni mozuok.. Jem i nas iz sātu.
Buobai nu šoka vysā žūklis atsakar. I dāls skaidri redz –  na tikai zūbu nav, a pat sakūdīņs napareizs. Tok buoba nasalīk mīrā. Soka dālam – aizej iz tuolejū zemi i atved maņ zyrgu. Taidu zyrgu, kas var cauri vysom olom i caurumim izleist, kas nikod napīkiust i myglā nav radzams.
Dāls īt ar. Kū jis nu zyrgkūpeibys zyna, tok juoīt ir. A to buoba jims i apēss.
Nūīt da tuolejuos zemis, a tī zyrgu kai myusu – a koč ar sauvem i gruob. I šmuki, i leli, i izrīztim koklim. Skrīn tai, ka zeme reib. Vysi golvys kuorsta, lic kuram kotram apaušus golvā. Bubinej, auzu prosa, leidza prosuos.
Nā, ite ni dzela. Dāls izvalk nu kuldys zalta gryudeņu, par reizis vysi zyrgi aizbāg iz ūtru ganeibys molu. Tik vīns taids palāks, mozeņš i nūneics ar sasavālušu spolvu palīk. Ni tī kriepu, ni kuoju, ni paskota. Tys pajem tū zalta gryudeņu i apād. Tam pošam dāls i līk sadlus mugurā i juoj atpakaļ da buobys. Tai jau zirdzeņš mozeņš, tok pacīteigs. Mudeigi, mudeigi pa pazarem, pa aleņom, pa stidzeņom i atvad.
Buoba kanešna piļneigā šokā. Kai īrauga taidu zyrgu, infarkts par reizis. Gotova iz vītys, mute vaļā. Dāls jem buobu, līk ceplī. Koč kod tok ir juoād beidzūt.
Par reizis ceplis sakreit gobolūs, nu tuos sātys izaceļ augsta piļs ar divpadsmit tūrnim, a iz kotra tūrņa putineņš dzīdoj. Zyrgs izataisa par nazyn kaidu rysaku, kaš zemi ar kuoju. A glupuo dāla vacuo kačine palīk par šmuku meitu. Tok pats golvonais – iz ustobys vyds taids golds, taids golds. Studiņs, batvini i dzierviņu keiseļs. Captys leidakys i eļļā vuoreitys rūzeitis i žagareni. Putruomu dasys i banani, cepets taids i rulets itaids.
Tai jī niu dzeivoj tymā pilī laimeigi. I vyss deļtuo, ka tys glupais dāls naizalyka par nazkaidu profesoru, a darēja, kū jam sīvīte soka – cikom jei vēļ vaca kačine beja.

es zinu, kas ir Neo

katra diena ir pārsteigums. dzīvo un nezini, kas notiks pēc brīža. ērmu pilna pasaule.

šodienas prieks ir pavisam drošā Drošības policijas atklāsme – viņi tagad zina, kā izskatās Neo, ko neviens gan vēl neesot redzējis. toties, izrādās, šajā valstī sapņus redz ne tikai Zanders. kopš šīs dienas – arī DP.

Neo ir samērā jauns, latvietis, ar labu izglītību informācijas tehnoloģiju jomā, viņam ir pagari mati, mēdz lietot brilles. Tādu personas portretu, kurš izmantojis Valsts Ieņēmumu dienesta datu (VID) bāzes “caurumu”, iegūstot informāciju par algām valsts un pašvaldību iestādēs, Latvijas Avīzei iezīmē Drošības policijas šefs Jānis Reiniks. diena.lv

tā kā strādāju vietā, kur mudžēt mudž samērā jauni un samērā dažāda paskata briļļaini latvieši ar labu izglītību IT jomā, pēc šāda DP paziņojuma sargājos iziet ārā no sava kabūža. ja nu Neo, bēgdams no DP, nones mani no kātiem? vai arī šie sadomā apšaudīties ar lēni migrējošām lodēm?

[youtube=http://www.youtube.com/watch?v=7dvjf0sAvvs]

es ta tik fiksa neesmu – kamēr šie locīsies un gorīsies, visas lodes saskries manās ribās. priekš kam man to vajag? nu galīgi man to nevajag.

bailīgi tomēr. ko tad darīs, ja nošaus? kā vairs dzīvos? kā jandalēs un dzīs cirku?

kad no bada vairs galīgi nevarēju izturēt, klusiņām aizgāju uz ēdnīcu. bet tur veseli 4 Neo sēž un stumj māgā kartupeļus ar mērci, salātiem un karbonādi – porcija par Ls 1,65. visi mataini, visi samērā jauni, visi IT un visi ar brillēm. šaudīties nešaudījās, virsū neskatījās. bet es tak šitos IT ļaudis zinu! i nemanīsi, kā visu informāciju nosūks. turklāt, gribu pievērst uzmanību būtiskam faktam – viņi vispār nesarunājās!

ejot augšā no ēdnīcas, trepēs satiku vēl 2 Neo. viens bija ar nemazgātiem gariem matiem, bet otrs gan maskējās – briļļu nav, matu nav. bet es tak zinu – IT, latvietis. un vārds arī viņam sākas ar N – gan jau kaut kur blakus ir arī E un O!

pa ceļam uzzināju vēl 1 būtisku Neo pazīmi – biksēm staras par īsām. vēlreiz vēršu uzmanību – vēl viena jauna un DP neakcentēta pazīme: ja redzat samērā jaunu un briļļainu IT puisi ar pāraugušiem matiem, pievērsiet uzmanību biksēm. ja pārāk īsas staras, tas ir Neo!

iegājusi savā gaitenī, atvieglojumā nopūtos. bet kas tev deva – vēl 1 Neo! slāj vecās botās, mati gari un laikam nav sukāti nekad, koka brilles uz deguna – IT kas IT. nu izspļauts IT!

un kur nu vēl sargs, kas izskatās pēc gluma indiāņa, kas varētu strādāt intīmsalonā par masieri (kāda anonīma novērotāja sniegta informācija). tieši šodien (!!!) viņš ir nodzinis matus – zirgaste kaput! maskējas! un kas teica, ka viņam briļļu nav? varbūt darbā lēcas nēsā, bet pa vakariem izvelk raga brilles un ķeras pie EDS datu kačāšanas!

vienmēr uzmanieties no sargiem un apkopējām, jo viņi ir klusi, redz visu, zina visu un tiek visur. ne velti visās amerikāņu filmās banku apzadzēji pārģērbjas par tīrīšanas dienestu darbiniekiem.

te gan tāda tīrīšanas dienesta nav – gaiteņus mazgā sarkanā apkopēja, kas vienmēr, kad kāds iet garām, apstājas un (it kā dodot ceļu gājējam un laipni nenoslaukot ar slapju lupatu viņa tupeles) vērīgi nopēta no augšas līdz apakšai. un mazā apkopēja – tā vispār ir terminators. cik mēnešus man vajadzēja, lai atkostu, ka tieši mazā apkopēja sieviešu atejā vienmēr pamet krānu pagrieztu tā, ka tek verdošs ūdens. cik reizes applaucēju rokas, cik reizes centos ievērot un atkost, bet nesekmīgi. kamēr jau pieķēru nozieguma vietā – nudien mazgāja rokas verdošā ūdenī! un kur nu vēl apkopēja Siļva – mans prieks un acuraugs. viņa par visiem zina visu, jo smalki iztaujā, kurā draudzē kristīts, kur skolā gājis, kā veselība. Siļva nudien zina visu, arī par valdību. un viņai tak ir brilles!

varu derēt, ka Neo ir mazā apkopēja, kas tikai izliekas, ka neko nesaprot latviski. sarkanā apkopēja, kas nēsā sarkanu parūku,  lai neviens neredzētu, ka viņai ir gari blondi mati. un sargs ar nogriezto zirgasti arī ir Neo, lai arī maskējas, ka viņam nav briļļu. un Siļva patiesībā arī ir Neo, kaut arī izliekas, ka neko nejēdz no datoriem un ka nav samērā jauna. ne velti viņa bija tādā starā par šito video:

[youtube=http://www.youtube.com/watch?v=h8aAZ1DGn_Y]

tagad es zinu visu taisnību. pa vakariem viņi visi 4 salien serveru telpā aiz kodu kodiem un kačā, kačā un kačā. tā ka rūc vien. iebāž roku caurumā un tik izvelk, iebāž un izvelk. jo kam gan citam ir visu telpu atslēgas? kas vēl zina visus caurumus? un kas vēl varētu darboties 4atā?

cienījamā Drošības policija! vēlos informēt, ka pavisam droši zinu, kas ir Neo! lūdzu skatīt sarakstu iepriekš. paldies par uzmanību.