žurceņa Piška

šudiņ zvons nu redaktoris. Katōļu Dzeivē nazkas otkon publiceits, i otkon ir bāda! :D:D:D
babys bļaun.
ni es zynu, kas tī nu mane publiceits, ni par kū juobļaun. 😀
izaruod, nazkaidā apmuoteibā asu 1 žurku nazkaidā vacā stuostā nūsaukuse par Pišku.

naprosit maņ, deļkuo tai. tys beja seņ, i nazkaidu vuordu vajadzēja.
pi tam ni dzeivai, a izdūmuotai žurkai.
maņ jau ar telim myužeigi ir problema. navar izdūmuot vuorda. piec tam pošai aizamierst.
a kur ta vēļ ar virtuālim breinumim nazkaidā seņ pabeigtā i aizmierstā stuostā, kas nazkur aizmigriejs internetā.

koč byutu par Fišku saukuse. tai redaktore.
a es breinojūs – Fišku?
nu, babom napateik tei Piška. jei smejās.
i, Jezus Marija, jau nūpubliceiti cik turpynuojumi. pi nūbeiguma tik īsavēre tuo vuorda. niu nūbeigumu īlykom, i tī Tys vuords. až samulsa i naizrunuoja.

saprotu, ka Piška ir nazkaids nanormali napīkluojeigs i vulgars vuords.
kū zyna tikai dzili ticeigys babys, kas īt iz bazneicu i skaita Katōļu Dzeivi.
turpynuojom sarunu, i es pruotā puorskaitieju vysus dzymumorganus obejim dzymumim, tok nikai navarieju īsaguoduot, kurs ir eistais. tikpat labi kotrys nu jūs. ka tai padūmoj, nūsaukums der vysim organim.

pasacieju, ka F latgaliski tok i byus tys pat P.
koč ni acī nabeju dūmuojuse nikaidu Fišku.
bet itik lingvistisks arguments nebeja apstreidams. ak jau, ka P.

tai vot niu siežu naktī i dūmoju.
moz cylvākam dzeivē cyrka i problemu.
juoroksta vēļ nazkaidi stuosti i juoreikoj pasuokumi. 😀

One thought on “žurceņa Piška”

  1. Nu redz, kaida samaitōta tom cjocem fantazeja. Maņ pamatškolā beja školōtōja ar uzvōrdu Piševa, myusim – škoļnīkim nikas nalobs i prōtā naīgōja – loba, cīnejam školōtōja, mōcēja krīvu volūdu i dzīdōšonu. Nu tok laikam nabeju dzērdējuse, kū tys nūzeimoj nu dzeivis. Ka izgōju pi veira, nazkaidā runōšonā pīminēju sovu dzīdōšonys školōtōju, cik jei labi mōcēja, i uzvōrdu pīminēju. Nu tok muna veira saime beja taaaidā šokā!!! Tod viņ maņ dalēce, kas tys par vōrdu… A ite “Piška” – nu kas vainis žurceņai?!

Leave a Reply

Your email address will not be published. Required fields are marked *